كلمات البوم أصالة نصري الخليجي (قانون كيفك ) 2010

قانون كيفك
كلمات : تركي
ألحان : سهم
توزيع : خالد عز

أنا أنا .. وإنت إنت !! .. لك كيانك .. لي كياني .. ليه جامعني معك ؟
مـ أخضع لقانون كيفك .. سلطتك .. رايك .. هواك !!
أنا أنا .. أنا ما أقدر أكون اللي تبي .. أنا ما أقدر أكون إلا أنا
الهوى إحساس ليه مـ تحس بي .. ليه مستكثر علي أكون أنا ؟
ضعت أنا أو حبك اللي ضاع بي .. في سراب الحلم كم عاشق فنا
لآني اللي فزت بك ولآ فزت بي .. من خسر نفسه هدم مهما بنا

2 – إلى متى
كلمات : فيصل السديري
ألحان : سهم
توزيع : عصام الشرايطي

إلى متى يآ جرح قلبي بتوجع ؟ .. إلى متى والصبر ماله معك حد
إلى متى ما للخطا عذر مقنع .. وإلى متى هالأسئله ما لها رد !!
ماهو مهم الدمع للعين يرجع .. ولا يطيح وتلحقه راحت اليد
وش عاد حتى لو على القاع يوقع .. اهم شي انه نشف بعدها الخد
ياللي تحري دمعتي لا تتوقع .. بعد اللذي سويت ببكيك من جد
تعبت اغظ الطرف والعين تدمع .. والدمع يغسل شرهتي واتجدد
ماتفرق دموعي تطيح اربع اربع .. ولا تطيح أزواج وشوله أعد !؟
ما دامها طاحت ولا عاد تطلع .. واللي بقى منها على راحت اليد

3- شف عذر
كلمات : سعود بن عبدالله
ألحان : سهم
توزيع : خالد عز

أنساها ما أقدر .. الوقت تأخر
أنا قاصد شوفتك .. في الأصعب الأخطر
شف عذر !!
إخلق بأية طريقه .. كذبه بيضه أو حقيقه
المهم انك تجي .. وغير هذا ما أبي
ولا نسيت ؟؟ .. أنا لك وش سويت
ياما كذبت لـ عشانك .. وياما ضحيت لـ عشانك
ومن كثر ياما عشانك نسيت ما أقدر !!
آمر إنخلقت عشانك .. ولين تعبت قلت أبشر
ظمني بلهفة حنانك .. ومر في هالقلب واسهر
لأجل الهوى شف حل .. وإذكرني وإنسى الكل
وإلتفت لي سيدي وسيدك هوانا .. وإنتبه لي دام ما معنا سوانا

4 – بس دقيقه
كلمات : فيصل السديري
ألحان : سهم
توزيع : خالد عز

بس دقيقه يعني مستكثر دقيقه .. ياخي شف قلبي بحبك كم صبر
يعني كل كلمه بزعله مو طريقه .. كيف تزعل قبل ما تفهم قهر !!
إنت متضايق ؟ أنا مو بس ضيقه !! .. اللي في صدري شوي وينفجر
بس إعرف ان الحقيقه .. فالحقيقه مالنا الا لها عنها مفر
مو مبرر أنا بعدي ما تطيقه .. الهجر ما هوو بعذر للهجر
والحسايف لو تبرر للخليقه .. ذنبهم ما تاب من ذنبه بشر
انصحك بوصل خِلك بل ريقه .. ماهو كل فصول هالدنيا مطر
بكره تتمنى ترجع هالدقيقه .. يوم قلت إصبر ولا طقت الصبر

5 – مادفنك – شخص يهتم
كلمات : سعود بن محمد
ألحان : سهم
توزيع : خالد عز

ما دفنك الحزن يا قلبي .. إنفض غباره وقم !!
باقي للفرح باقي.. وباقي لك أمل بين البشر شخص بك يهتم
لملم شتات المشاعر خل نروح .. نمشي في كل الطرق إلين أجيه
كم رسمة ( ت ) الشوق في بالي وكم .. آه وكم بين البشر شخص بك يهتم
يكفي من دنيا المحبه هالجروح .. هذاك خلي اللي أحبه وله أبوح
متعشمٍ انه ينزل الهم .. وآه الأهم كم بين البشر شخص بك يهتم
شوقي يبني له من اللهفه صروح .. شفته بحلمي وصرت اتبع الطموح
متخيلٍ إنا نعيش بفرح .. آه ونبتسم وكم بين البشر شخص بك يهتم

6 – شرهه وعتب
كلمات : سعود البابطين
ألحان : سهم
توزيع : عصام الشرايطي

ما علي شرهه ولا عتب .. لا تقول ولا تعيد ولا تزيد
كل شيٍ صار في لحظة غضب .. قدر الله والله يفعل ما يريد
ما بقى غير إشتياقي والتعب .. في غيابك ليّن النار الحديد
ناظر بعيني تعرف اللي يحب .. يا أقرب الأحباب لـ أحبال الوريد
المحبه نار وضلوعي حطب .. والمسافه سجن والإحساس قيد
ما نويت البعد صدقني كذب .. الظروف اللي تسيرنا أكيد
من ورا قلبي ترى الفرقا غصب .. ما لهذا الجرح لو فارقت عيد
ايه أحبك لكن البعد إنكتب .. حبني لكن من بعيد لبعيد

7 – تعبت أرضيك
كلمات : أسير الشوق
ألحان : سهم
توزيع : عصام الشرايطي

تعبت أرضيك أرضيني .. ولا تبخل على مغليك
وحن شوي وحاكيني .. تراي إحساس انا وشاريك
طلبتك يا نظر عيني .. تناسى الظن والتشكيك
وإذا غيري حكى فيني .. ترا غيرك حكى لي فيك
خذاني الهم واسيني .. اعرف الصد ما يرضيك
وكون إنسان وإسقيني .. من أنهار الوفا وأسقيك
احبك لا لا تخليني .. سوالف ضاعت بماضيك
ولو تسأل شراييني .. تقول الله كم أغليك

8 – أرجوك – سم وعسل
كلمات : معتزه
ألحان : ليل
توزيع : سيروس

أرجوك علمني ما أفعل في هواك قل .. ما عدت أنا أعلم ما أريد منك وما تريد
قلبي نفذ مني وباقي الصبر وياه مل .. وما عاد بي قدره في هالألم مابي مزيد
إما ترد الدين حب وغلا ولا فـ فل .. ذوبت لي قلبي والنار تدمي بالحديد
ضاق الفضى فيني والهم في صدري يسل .. وما عدت أنا اذكر منذ متى ماني سعيد
حيرتني يا كيف تسقيني سمك بالعسل .. قد مت لك مرات فوق ألف مره أو يزيد
إرحم رحمك الله فـ الروح لا ترضى بذل .. والظلم من يهواه ويله ثم ويله من وعيد
يا نشوة العاذل لو فرقوا خلٍ وخل .. ضحيت انا لعينك جا دورك حط إيدٍ بـ إيد
ومهما جرى وما صار ومهما يكون وما حصل .. حافظ انا عهدك والله على قولي شهيد

9 – يا راسي التعب
كلمات : أسير الشوق
ألحان : فايز السعيد
توزيع : خالد عز

يا راسي التعب .. وش باقي مع قلبي ؟
الحب أصبح ممل وخالي إحساسه
آشوف الأحباب لكن وين يا حبي .. على حبيبه تكبر وإرتفع راسه
من أول يموت إلا يكون في قربي .. واليوم أمره وهو مشغول مع ناسه
حيران وقفت مستغرب على دربي .. بالأمس وده عشاني يكتم أنفاسه
كنت أتمناه يجي ويقول وش ذنبي .. ويكون قلبه قوي ويبيني من ساسه
بس الصراحه يجيب الوقت ويخبي .. والوقت دوار وكلٍ يعشق أجناسه
جرحني جروح يعجز عندها طبي .. شربني الغدر صافي من وسط كاسه
اليوم بخليه كنه مادخل قلبي .. موعد وداعه يدق بسمعي أجراسه

وتريات الألبوم : هاني فرحات
إيقاعات : أحمد العنوه
مكس : عمرو هاشم

  1. No trackbacks yet.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: